درد دل قبل ازعید

هایمه گیان کنین، اَره قروشه

هرکه وه یه لا، پرتال فروشه

تقصیره نیریم،دسمان تئنگه

توقع ژنل، هزاران رئنگه

مالِ خو خوازن ،وه ماشین نووه

مبل وصندلی،فرشلِ خووه

تاقوزی بگرن، حسیودل کورون

ول کلاس بانل،دقیقاً جورون

هرکه نه سنه، باکلاس نیه

آیم بیه کلاس،مُد شناس نیه

بچیم بسنیم ،گوشتِ بزغاله

شهری بخواته،بیوژی باحاله

مرچه دما دین، اوژن تام دیره

آرمین عرقین،اوه حمام دیره

حمامت باید،تمیز وگرمه

مبلِ ژیریان، راحت ونرمه

پتو پلنگی ،دوشک پمگ

بالشت پرو،ملافه چرمگ

بایدآماده ،اَره خاویان

اَره آرمین ومیتراناویان

فیس وافاده، شهری فره سه

ناشتا شوه کی، نان وکره سه

هاژیره پایان، ماشینِ خووه

کت وشوال شیک وکراس نووه

ایمه هم نوکر،بله قربانیم

آماده دستور،امرو فرمانیم

هانه تفریح وخاوردن که واو

ایمی نیشتیمه ،وه حساو کتاو

یانه میوان نین،قومه تاتارن

یانه مفت خورن،مردم آزاران

وخته مه اَچم،یانه کاردیرن

یاکه بیمارن،یاکه باردیرن

ماکرانی شکلی ،دیته نهارم

جوره رفتارکن،اوژم سربارم

کله فرارکن،وه شونه کاره

له دس دهاتی،میوانِ ژاره

سرخره اَگری، وه لچه دُورت

نه تیوخوه شال دیوت،نه دویتو کورت

عبرت ناگریم، له رفتاریان

مه سرناریرم ،له ناوکاریان