له باره دیجیتال

وه ناوه خدایِ، خالق هنر

خدای اول، خدای بانِ سر

معرفی اکم، خوه م وشاعری

وه کارِ بنده، خدا ناظری

مَه ملکی یم، آموزگاره

گاهی شعروتن، بیوسه کاره

شعرِ ملکی، زبانِ حاله

بی عدالتی، اَره، سؤاله

بعدازمعرفی، خیرمقدمه

هرچی عرض بکم، وه خدا کمه

آقای رامک، مقدمت گُله

پایِ هاتنت، یه کمی شُله

اَرا دیرهاتی، مُشکِل چه داشتی؟

افتتاح کِردی، یادارِکاشتی؟

ای دیجیتالَ، بیوه کوفتمان

فوتبال تمامه، ده اَره چمان

ایسه که هاتی وه شهرستانه

گزارش بگر، بزان چمانه

گزارش بگر، له شهرستانه

چنی اعتباروه شهره دانه

گزارش بگر، بزان چه دیریم

بزان گرسنه، یاکُلِه سیریم

بزان جوانل، کُلِه کاردارن

یاکه فارغِ، له دم بیکارن

بزان مردمان، سالم وشادن

روستاو دهات، کُلِه آبادن

ائمه اخوازیم، بدره آباده

جوان بخنه، کیوانوشاده

خم وپژاره، له شهره دیوره

وه جای پرس وپو، دم تقه سیوره

ایمه له کمبود، باکی نی ری من

دردمان تبعیض وداخه چیومن

دردمان تبعیض، عدالت نیه

ائمه نازانیم، باعثِ کیه

آرزو داشتیم، مستقل بیومن

امکانات نیریم، وه داخه چیومن

نه بیمارستان، نه پارکِ خووه

نه اداراتِ، نه جاده نووه

کُله منتظر، کلاسِ بانیم

افتخاربکیم، ده شهرستانیم

قصیه تمامه، دردل فره س

وه دردِدلم، آقا تیو برس

حکایت فره س، وختت محدوده

شاید وه تنم، خالی ازسوده

بایدبووه خشی، زوانم تنده

شعرم کامله، جورهزارُنده

خدانگه دار، تاوقت دیدار

له بیرت نه چی، گزارشِ کار