عمرِدوروزه

چیوبرق وبادچیو، عمردوروزه

وخته بکفیم، وه ناوه کوزه

وخته نماگه ،غفلت نکیمن

حق بدبخته، وه زورنخویمن

حق الناس بکه،عمرت تمامه

عمرطولانی،خیالِ خامه

عهدشباب وشورجوانی

ده تمام بیوه،ارا نازانی؟

ده که وخته اکی،اهل نمازیوت؟

دسل له خیرو،او سبب سازیوت؟

یه روزجمعه ،دس نمازبگر!

بیامسجد و،ناو خدا بچر!

بزان گوش ناکا ،وه خواسته دلت

بزان حل ناکا ،دردو مشکلت

خدا سبب ساز،خدا رحیمه

خدا عادله، خدا کریمه

سیدِ جوانه، امام جمعته

ایه فرصت خووه،یه غنیمته

گوش بیه وه دنگه،شیرین زوانه

ایه شیره کوره، اهل ایرانه

برا وخیوشک ،کل بانمازن

اهل کارخیر،دس ودلبازن

سربسا درگاه،ربِّ جلیلت

وه آستانِ حق،خدای رحیمت

صندوقِ دلت،ولای وازبکه

نمازعشقت،توآغازبکه

اشکت جاری بیه،جواوت دیا!

ار درو وتم، وه مسجد نیا!