چمان سربازیم

شووه کی شفق، قیوله کله شیر

هلپله کیمن ،کاره نیته دیر

چیول هانه خاو، ناشتا اخویمن

لباسِ شِره وه بر اکیمن

ماشین روشن کیم له مال دیمنا در

چمان سربازیم وه قصد سنگر

له بس حال نی ریم نیشیم بی دلیل

جوربره معلول جور بره علیل

خدا چه بکیم تکلیف ایمه چس

وه دادِ ایمه ،خدا تیو برس

جیوول خالیه فکرل مشخوله

مردم دیوننم ،اوژن یه یوله

اره قروشه جور سگ پاس اکم

اَمِر،وه معروف،حق الناس اکم

پیول اره چمه، شغلم شریفه

هرچن قامتم ،پیرونحیفه

پیول اره پیولدار، اره مل مه سه

وه پیوله مفته،وه خوی اره سه

وه پیم ناسازیه، مه هم پیول داروم

یه رو کاربکم،ده رو بیکاروم

نه ویلا دیرم نه میلیاردرم

اره دلخوه شیم گورانی چرم

ارا ماکسیما، قسمتم نیه

چک وتراول، له دسم نیه

چه دیو منی هم، وه یه تلیفان

لِه فقره درام ،بکیشمه بان

شایدپیولداری تقدیرم نیه

شاید سیاست ،تدبیرم نیه

نه اهل کلک نه قماربازم

نه مه جادوگر،نه مه بندبازم

یه آموزگارِبیه چیل وویلم

اگرتومه دیت،وه گرزه به لیم

براملکی، ده تو بس بکه

ده جنگ تمام بیو،آتش بس بکه