خالق ومخلوق

له خلقم چه بیو، خدا حکمتت

خدا مه کی ام، له ناو خلقتت

یه روژ له دونیا، ایجادم کردی

مجنون صفت وفرهادم کردی

چهل سال له دونیا ،آواره بیومه

خدا بدبخت وبیچاره بیومه

ارا خلق کردی ، ایه چاره شره

ارا دونیا کشت آ طفل تره

له دونیا امرو، گوشه نشینم

دائم آه کیشم، دائم خمینم

شاعرومجنون ، افسرده حالم

ارا آسوده ،نیه خیالم

نه دوسه دیرم، نه قوم وخیشه

کسه ولا مه گره نانیشه

بلبل وه دئنگه، چمان قلاسه

دونیا اره مه ،جیور وجفاسه

خانه دل مه،چمان ویرانه

بهار وه لا مه،چمان خزانه

علّت حالم، نازانه چه سه؟

دیه طاقت نیرم، خدا ده به  سه؟