قرآن

شروع سخن، وه ناو خدا سه

خوه شال وه کسه ،خدا شناسه

قرآن معجزه، رسولِ دینه

کلام خدا، فره رئنگینه

آیات خدا،پرله حکمته

عامل به قرآن،خوه ش سعادته

قرائت بکه، با فهم ودلیل

صحیح ودُرس،باصوتِ جمیل

اگراَخوازی دیوربیوت، له شیطان

بیلا به خوه نی ،آیاتِ قرآن

راه زندگی ،پرپیچ وخَمه

عمرِ بیه قرآن،بیوژ اَره چَمه

بیلا ول قرآن ، رفیق ویاریوت

قرآن به خوه نی، وخته بیکاریوت

قرآن باخه گل، آیاته نیوره

بلا وبدی ،له باخه دیوره

لباس غفلت، له برت به کن

روژه یه صفحه ،له قرآن به خوه ن

بدبختی ایمه ، غفلت له دینه

آثاره امرو ،وه چیوتان دینه

حشکه سالی و ایه گرد وخاکه

نتیجه یه سه ،دلت ناپاکه

دلل آلوده ،عشق دونیاسه

انبارقلبت،پرله گناسه

وه دادم برس ،خدای بانه سر

بنده نادانت ،کفتگسه خطر

کارله اکیم ،شیطان راضی بیه

دزه نابکار، له جی قاضی بیه

حقل ناحق کیم وه پارتی بازی

وه قسم خواردن،وه صحنه سازی

عمرمان کوتاه، دونیا فانیه

آخره حسرت،پشیمانیه