هرروژ که اَچه

هرروژکه اَچه، لَه عُمرکَمادیه

ایقه غافلیم ،گُناه جَما دیه

هایمه پیه دونیا، فره مشغولیم

له حرص دونیا، له یک اَتوریم

نه دِه دین ماگه،نه مسلمانی

هایمه فضولی ،اوچرب زوانی

اسلام ها خطر،ایمه بی خیال

اَره تونیه، یه جایِ سؤال؟

برون چه اَکا ،دسه لیه شیطان!

برون چه اکا ،غفلت له قرآن!

فقط شعاردیم،میکروفون وه دس

اَره پست گردن،هایمه هسه هس

مستندسازی ،وه ریو برنامه

کارپرورش، ایجورتمامه

 کارمان آمار،اوکاغذبازی

هایمه فیلم گردن،اوصحنه سازی

دیمه خورد مردم، تا باور بکن

وه ریوگونه یان،اشک ظاهربکن

ده بس بکیمن قاچِ قل بازی

کاره بکیمن خدابیت راضی

صداقت بیته پایه کارمان

درسکاری بیه هم شعارمان

نه ریاکاری ،نه چاپلوسی بیه

کینه کم بکیم،بیلا دوسی بیه

دوسی بهتره کینه بلاسه

بین مومنین کینه گناسه

دس بیمه دس یک ،برادری بیه

کله جوریکون،برابری بیه

 خداایه مُلکه،ایران زمینه

مگرکم دیره ایه سرزمینه

هم معدن دیره،هم نفت وگازه

ارا مسئوله وه یک ناسازه

بیلا همفکری، بیلا وحدت بیه

بیلا خدمتت اَره ملّت بیه

خدمت وه ملّت ،هدف کارت بیه

اگرمسئولی ،بیلا بارت بیه

وه زورپارتی، ریاست نکه

وه ریو غرورت ،سیاست نکه

ملّت عاقلن، هیوچ که بوق نیه

کَلِه هیوچ کسه،بزان لوق نیه

ده آگاه بیونه، ملّت وه کارت

قزل قوت بخوی ،له جی ناهارت

بیلا خدمتت ،مه احساس بکم

درآمد خووه، مه دیه راس بکم

حقوق معلم کفایت ناکا

هیوچ وقت زگ پر ،ده نانه ناخوا

بس خواردن ناکا،ایه حقوقه مه

ده نه هامل کی،گیه لوقه مه

ایه  یه ملیونه ،بیوژ وه چه به مه

اقساط بانکم ،بیوژ  که به خه مه

بدهکاربیومه، قسطم فره سه

خدا معلم ،ارا بیه کسه

بوجه هاده کو ،ایوژن فریمن

گنامان چه سه،باید نه خویمن؟

چطور وه ملیارد ،جیوول پراکن؟

برج وویلا خو، وه ناو کوراکن؟

نه ویلا خوازیم نه پیول وه ملیارد

نان شیو نی ریم هه داد هه بیداد

اَوه له مسئول،یی شه له مردم

شریک ناخوشی ،رفیق ِ دردم