ضامن1

یه روژچیومه بانک،اَره وام گردن

اَره سه ملیون، التماس کردن

له پشتِ میزِ فره ره ئنگینه

یه آیم گرزمل ،فره سه ئنگینه

نیشتولما دایو ،تلیفان اَکرد

اَره رئیسه ،گیان قربان اَکرد

سلامِ کردم ،چمانه کریو

چمان شیت وپل،اوچله پریو

وه تم هه رئیس ،سلام عرض اَکم

خو ه م یه رعیت،توخان فرض اَکم

هاتمه دس بوسی ،اره یه وامه

یه وام حساوی، فره تمامه

 یه تماشا کرد ،وه بزه خنه

وه ت لطفه بکه،ایو دره بنه

 وه ت برون مشی،وام حساودیره

درخواستِ وامت، یه جواو دیره

وه تم عرض بکه ، مه فرمانبرم

ایه وامه بیه پیم،ویه هاده برم

وه ت ضامن دیری مشی هیوچه دس

کوت شوال دریاگِ بیچاره بیه کس

وه تم هه رئیس کی به ضامنم

کی به دسگیرم ،کی به خاونم

ضامن هاده کو ،له حیرو ویره

تورحمه بکه ،وه آیم پیره

وه ت یه قانونه، توچاره نیری

هیوچ راهِ فرار،له باره نیری

دق هاته بن مل، آگردا گیانم

پیشتم سُسا بیو،حشک بیوزوانم

 وه تم هه آقا وامم جور بکه

طلبکارشهر،اَلیم دیوربکه

ضامن هاده کو،چاره مه چه سه

کی دیه ضامنِ ایه چاره رَه شه

وه ت وام بگرنیت ،تشریفت بووه

وام هن تیو نیه،هن کوره خووه

هن کوره خووه، کوت شوال رهئنگین

یه آیم خوش تیپ، گرزمل و سه ئنگین

اَویش نه ملیون، وامه میلیارده

جورآوه خواردن،راحت وساده

سرخره گردم ،له بانک داما در

کوتَه دریاگه ،بازم کردماو بر