باران نه واری

باران نه واری، حشکه سالیه

کشاورز بدبخت،جیوه خالیه

جیوه خالیه، ها پیه یِه وامه

تا رنج دوران،تلخ نه کا کامه

وامِ بانکی هم ، ضامن اخوازه

یه ضامن خووه، وله بسازه

ضامن هاده کو،له وضعیته

اگرگیرهاورد ،یه غنیمته

ضامنِ وامه، باید کارمنده

یه  حقوق فریه، عائله منده

اعتبارداشته ،حساوه پاکه

اره ضمانت ،فره بیه باکه

اگرشانس داشته،وامه جوراکن

چیوه مشکلات ،اَپیه کوراَکن

چندروژه اَچه،وام هم تمام ده

مال وزندگی ،کوله حرام ده

دیا برجه بازهم ،بِچِه وام بگره

یه وامه کامل،او تمام بگره

ایگل ده کَسیه، نایته ضامنه

نایته پیشتی وان،اوگرخاونه

شان کوله دُرده، جوردارِپیره

ناو وفامیله،اَچه له بیره

له زورپرداخت، اقساطِ وامه

مه گُمان اَکم،عمره تمامه

آخروام گردن، ماپاره وزندان

یاگرمجنون دیوت،بَرنی بیاوان

هرکه وام هالای، پشیمان بیوه

رفیقِ زندان،زندانبان بیوه

خدا نجات بیه،هرکه وام دیره

هرکه آبه ریو،اوگرنام دیره