پرتالِ همّت

«وه نام یاهو ،اوسا کریمم.....خدای بانه سر،خیله رحیمم»

«پرتالِ همّت»

اگراَخوازیم ،ایران آباده

اگراَخوازیم ،زندگی شاده

بایدکاربکیم ،وه یک بکوشیم

باید پِرتالِ همّت بپوشیم

له کارِ فریه ،خاکِت آبادَه

زندانیِ خَم، له بَند آزادَه

بهانه نگر ،کول وکلک نیه

له گوشه ننیش،اوقنبرک نیه

بیلا به خنی ،اُمیده واریوت

بیکارننیشی،مشخوله کاریوت

نظم وانضباط ،سرلوحه کارت

تاسیوکا بیه ،سه ئینگی بارت

آیم ته مل ،آینده نیه ره

چمان ماشینه،راننده نیه ره

ژیرکارنه رچی، بیوژی یه سخته

ته مل عاقبت، بزان بدبخته

ایمه کُردیمن ،له کارخیرتی

حتی اَربیوژن، بکه وه په تی

له کارعارنیریم ، چون کرده مالیم

نه دربنده تن،نه سن وسالیم

قصدکرد یه سه،ایران سربرزه

اگردوشمن دیه،پیشته نلرزه

ایمه مرزداره ،خاک ایرانیم

ایمه رزمنده، بیشه شیرانیم

الان زمانِ کارو تلاشه

وختِ کیشانِ کیوش وکلاشه

الان زمانِ ثابت کردنه

آبرو دوشمنل ، وه کاربردنه

دوشمن اَخوازه، ایمه کارنکیم

نانِ بازویِ ایرانی نه خویم

 دوشمن اَخوازه ، تمله کاریوم

له پیه عیش ونوش،بیه بندوباریوم

وله کورخواردن، ایمه بیداریم

ایمه کوردیمن،ایمه هُشیاریم

خاوه خیاله، غصبِ خاکمان

فدای ایه خاکه،گیانِ پاکمان

                                                      شاعر: صیدعلی ملکی