دم ته قه دل

نازانم چمه ،غم هاده بارم

چرخ روزگار،هاپیه آزارم

دل خوشی نیرم، له دنیای فانی

له حالم برا، توچه ازانی

توچه ازانی، له ناله ده نگم

له آه سردم ،هناسه ته نگم

شوکی شفق ،تا وه عیواره

ول ول خِر اَ خوم، له ناوه بازاره

نازانم چمه، اَره چه گردم

بگر عزیزم،دسیل سردم

گرِ تو بنیش، وه پای داستانم

ارا فکر اکی،هیوچی نازانم

هوه فکراکن، چنِ بی درده

چنِ بی خه یال ،چنِ نامرده

مه نامرد نی یم،بارم سنگینه

دلم دریاسه، چه نِ ره نگینه

خاطرت دوسم، ارم عزیزه

ده تو فکرنکی،ده لم مریضه

دسیلت گرمه ، خنت نازاره

صورتِ نازت  ،چِمان بهاره

دوسِ تان دی رم،رفیقل گیانی

وه مه بیوژن کل،شیرین زووانی