ضامن2

چیومه پی ضامن، وه پِیه کارمنده

یه پیا پیولدارِ عائله منده

وه تَما وامه، سلامه کردم

وه زوان شیرین،پیا خام کردم

وه تم هه پیا، هامه پیه وامه

اَره یه کارِ نیمه تَمامه

مردانگی که، تاوامه بگرم

بدهکارنووم، ِامجا بعد بمرم

وه ت عیبه نیره، مشی هیوچه دس

بیا بچیمن وه کارت برس

مگه ضامنِ ولات کل بیومه

اَره ضمانت وه هرجا چیومه

آو له سرگذشت، وژه بیشتربیه

زلزله بیه اَت ،هژده ریشتربیه

بیومه سه ضامن ،هرکه سلام کرد

وه زوان شیرین،کارم تمام کرد...

...چیومه دره بانک ، ضامن وه ت مردم

وه ت خدا بازم، ضمانت کردم؟

عبرت ناگرم ،چمان معتادم

مردم کیف اَکن،مه اَراشادم؟

لَرزِه هن منه، کیف هن مردم

وختِ نه وه تن،چمانه بَردم

اَرهه مردمان ،آموزگارم

یه پیاژن دار،مه عیالوارم

مگرچه دیرم،اَرا جوزناکن؟

مگرهفی ین،فیره کناکن؟

تماشا بکن وه کُتِ شرم

وه لِچه درو،شان کوله دُرم

 چمان خزانه دولت ها دَسم

ایقه یول بیومه،چمانه مَسم...

...له شانسِ گه نم، پیاگه خیزکرد

نیوه ضامنم ،ضمانت نکرد

یه هم ماجرای، وام گردن بنده

خدابکاره له دلت خنده

ایه طنزبنده،اَره عبرتیو

انرژی داسه ،هرکه شکتیو