خاوه که دیم

دوشا دیمه خاو، خاوه عجیبه

بدا وه کسی، تنیا وغریبه

دیو هفت سره، وه ناله ناله

له شونم هات وچیومه ناو ماله

دیم فایده نیاشت،دیو وه لم ناکرد

آخره دیوه، شونم پیدا کرد

دیو هجوم هاورد،وت دیو نفسم

خدا وت بیا،وه دادت ره سم

وه شونه صدا، مه فرارکردم

وه ناو مسجده، مه پناه بردم

چیومه ناومسجد، راحت بیو گیانم

وه طوره خدا، دیا نیشانم

خدا مهربان، خدا رحیمی

تو هایته فکرم، چنه کریمی

مه بنده نادان، فراموشکارم

خدا له گناه ،سنگینه بارم

توهایته فکرم، مه غافل بیومه

مه فکراکردم،مه کامل بیومه

له دس آ دیوه تو نجاتم دای

دوشا لا خاوه،تو براتم دای

خدا ممنونم ،نظاره کردی

وه حال ایه بنده،اشاره کردی