پشته الویزان

که جور قدیمه ،پشته الویزان

هاکو داربه لیو،هاکو هه ره زان

هاکو کُله نان، له سایه داره

هاکو کیوانو ،مشکه ومالاره

نه کیه نی ماگه،نه گُلم آوه

چاهی که مه دیم،آو نیه ناوه

گلال حشکن، دارل پیتارن

ده ثمرنیرن، چنی بیمارن

نه پوقه پنج تیر،نه صدای سازه

هاکوشاقه کیو،وه ده نگ نازه

یه چندین ساله،حشکه سالی یه

له داربه لیو،پشته خالی یه

یه کل نتیجه، اعمال مانه

کل گنه کاریم،له ایه زمانه

کُله ژن صفت، مردی مردگه

تماشا کورکه، ابرو گردگه

دیوتل بی چادر، کورل معتادن

پیال بی خیرت،ژنل آزادن

ژنل آزادن، خیابان گردن

وه مانتو کُله، کل جا اگردن

نه عفت ماگه، نه شرم وحیا

نه مردی ماگه،نه دانی پیا

امجا اخوازیم، نعمت زیاده

پشته الویزان، فره آباده

اگراخوازی، جور فرم قدیم

تو سجده بکه،وه درگاه کریم