دم تقه روزگار

هه داد هه بیداد له روزگاره

هرکه وه یه درد،خدا دچاره

هیوچکه له دردِ کس خورنیره

له دیورآخ کیشان، هیوچ اثرنیره

له جی آخ کیشان، کمک حالم بو

عصای دستِ ژیربالم بو

له وخته تنگه،حالم خراوه

کمکم بکه، برا صواووه

هرچه اتوانی، نقدی یا جنسی

برازیو بکه،مردم له برسی

کیسه برنجِ اویوژن پنجاسه

مردم درووه،آخردونیاسه؟

برافقیرم، له خاو بو خور

سیورم تمام بیو،نوبت چمر

 وه یادت ماگه، برنج دم سیه

ها یادِ شکم،که سیر خواردیه

سیف لبنانی، موز چگیتا

دیامنه گوپا،له وخته ناشتا

روغن جهان،هرکول نیشانیو

رقیب سرسختِ روغن دانیو

براهابیرت،آ قن حه پیه

چنِ طام داریو،نوشابه سیه

کانادادرای یا پیپسی کولا

نان بربری وه ناوه بولا

وخته اخواردی، دیوله پت درات

برا آخرِ چه وه سرت هات

قورمه اخواردی، له گوشت توشتیر

الآن گیرناتیه،گوشت بزن پیر

بایدوام بگری ،اره گوشت خرین

توشتیرآخرگه،کی سرا برین؟

نان ساجی دالگ ، سبوس دار بی

نه آیم مریض، نه بیمار بی

کله گروگرج،کله خوشالیون

نه جورامرو،کل گرفتاریون

نه قبض آوبیو،نه تلیفانه

نه وام اگردی، اره جوانه

وه دیو روژ بعده،کسی فکرناکرد

وه همه درده، هیوچ کسه نامرد

غذای سالم، بدن آماده

یه نانِ دووه،یه سفره ساده

الآن پیتزاسه،غذای فرنگی

له جی رادیو،یه تی وی رنگی

کامان بی ته ریو،کلات قاضیه

کامتان امرو،وه طور راضیه؟

پیول امروبرا،جوربلگ داره

پیشتوانه نیره، اِ کاغذ پاره

اسکن وه گونی ،ده بست ناکا

حقوق میلیونی،ده خست ناکا

براده کم بیوژ، فضول فریه سه

له باره وتن،اوژم ده بسه!