دلقه گوشت

هه داد هه بیداد،وخته تنگی یه

اِ دلقه گوشته وه چن سه نی یه

جعبه اسکناس، وه گوشته دامه

قسمت کی یه؟آ ژن برا مه!

زمان قدیم وه پیول کیلو وه

اَپی اَ خرین، ماشینِ نو وه

اَلان کیلووه ،وه له اُستخوان

یه کله پاچه،وه مغزوزوان

تَوانِ نیری،عزیزبسینی

باید وه داخِ،کوره بمینی

ایجورپیش بچو،خرحلال گوشته

آیم پیول دار،پرمال گوشته

خرحلال گوشته،له وخته تنگی

بهترله مرخه ،اَره به جنگی

شاو تا شوه کی، له هوله خفم

جورآیم مردگ،وه یه لا کفم

اِ زنده گیه، مردم حرامه

یه دان مرخ برقی،کسی نیامه

وه کوتان اچی، آیم اوهری

سه تون هاده کو؟آقای بندری

اِ گرانیه،تقصیر خوه مانه

مرخ کومه اکیم، اَره چه مانه

گوشت خربه خووی،نه گوشتِ مرخه

باید کم به خووی،سینگ سرخه

وخته کواو کی، مرچه دَه ما دی

اَره خوارده نه، بره جما کی

هالی یه ماهنگه ،وه عیدِت ماگه

دَره یخچالت، وه زور نریاگه

آیم اوهری، برچاوه تنگه

اَره مرخ گردن،آماده جنگه

آماده جنگه،چمان لین چانه

اِ جنگه گورزه، اَره میوانه

اَرمیوان دیو رو، هاده ناو مالت

حالیان گیریاسه،اَت وعیالت

گوشتِ خربه خووه م،اَپیم حلاله

بهترله مرخه،ها ناوآ ماله

وه زور وپارتی، مرخ کومه اکن

وه خیال راحت،کواو مرخ اَ خون

هه داد هی بیداد،له روزگاره

مرخ گنی بیوه، تریاک له شاره

خوسه پردلم، له داخ مرخه

صورت فقیرل،وه سیلی سرخه