بهار

بهارهاتگه، وه گل بی شمار

دل عاشقم، ده نیره قرار

بیاتا بچیم، وه ناوه باخه

بیاماچت کم ،یه ماچ داخه

چنه رهنگینه ،صاراو سرزمین

چمان خداون،پا ناسه زمین

اره من وتو، خدا سازیه

شادی وهلپر،وخته بازیه

دس بیه وه دسم، بیا  بازی کیم

دیوه تیل وکوره ل،وه عشق راضی کیم

الان بهاره، دل بی قراره

باران شادی،بیل تا بواره

زمسان مل اشکان، صارا پرگله

له باخ وباخان،صدای بل بله

بهارهاتگه،بن ملی بچر

زمسان له خوسه،بچو ده بمر

دس دیمنه دس یک، وه خنده وشادی

سازدی وه ل انیم،له ناو آبادی

آرزو دیرم، له سرزمینه

له سرزمین ،فره رنگینه

هیوچکه نمینه ،بی پیول، له وخته

وه گرانیه،بی پیولی سخته

آرزو دیرم، سال مارمان

گرانی بچه، له ناو شارمان

دلم روشنه، بهار کل شادیم

له خم وخوسه،کله آزادیم