هاکو گل وه نی؟

هاکوگل وه نی،هاکوکلنجه

هاکو دسینه، له گره پنجه

 هاکونازاره،پایونک وه پا

هاکودوه ته له،باحجب وحیا

هاکوسازدویل،له ژیرداران

هاکوسرچوپی،خنه نازاران

دلمان وه خوشیو،وه لقمه نانه

هرشوله ماله،بره مهمانه

توقع کم بیو،دروناو نیاشت

وه یک اخاوردن،هرکه هرچی داشت

هرکه چی داشت،وه یک اخاوردن

نه جوره امرو،له یک داشاوردن

صاف وصادقیو ،آیم قدیم

مشی عباسی،صادق وکریم

آیمل قدیم،دس و دل بازیون

دَسَل له خیرو،ژن وژن خوازیون

له باره قدیم ،وتن فریه سه

گوش دیی هم بیوژم،یا گر، ده بسه

هرچی بژنه وی،بازم خواهانی

له سازودیول،له ده زیورانی

آیمله قدیم،شکت کاریون

که جورامرو،کله بیکاریون

قیوله کَله شیر،ساعت زنگی

نه یخچال داشتن،نه تی وی، رنگی

شادوسبکبال ،سواره مونه

گَردِله چیوچان،اَنا له شونه

شهنگ قطار،ده وه س ، برنو له شانه

کی هس ای طوره،امرو جوانه

جوا نل امرو،تمل کارن

له کارفراری،خوه یان داشاورن

جوانیل امرو،موبایل وه دسن

وه پیولِ مفته، وه خوه یان رسن

له جی پوشیانه ،شواله جافی

له جی کارکردن،هاخیال بافی

عشق چت کردن،اوماهواره سه

قدیمی اوه ژه،روله یه چسه

روله یه چسه،هاده ناو مالم

له فنه ساجه،هاده خیالم

وه ساجه تونه،اویژن ماهواره

کل جای دونیا،اَپیه دی یاره

بیل تماشاکم،اِ ماهواره ته

اِ ساج کوانه،کور،اره چه ته؟

باوگ تماشا کرد،چمانه جن دی

یه بر،لات وپات،یه بره ژن دی

فرهنگ غربی،هات گسه مالت

آسایش نی ره،فکروخیالت

بایدچه بکیم،چاره مان چسه؟

بایدکه جمع بیت،فکرمه یسه!

اره جمع کردن،زورلازم نی ره

بایدآشنابون،خطرچه دی ره

خطر چه دی ره،اِ ساج کوانه

راه حلت چسه، اره جوانه

راه حل ا درده،صداوسیما سه

چندین  شبکه،کلاس بالا سه

چندین شبکه،شادوسازنده

بایدله جنگه،بیومن برنده

بایدله جنگه،بیومن برنده

باید له جنگه بیومن برنده