پراید

سواری پراید،هاده ژیرِ پام

توگه سوارِ،بنزیگی سلام

اِ پراید منه، بنزِ اَهرزه

توشتیره خوی،کردم وه نذره

وخته سَنِمه، مریوه رخشه

وه پیه ویراژدیام،له ناو بخشه

ارزان قیمت ویدک ارزانه

بنزآلمانی،اره چمانه

نوکرپرایده، ماشین فره نگی

پرایدِ خوه مان، چنِ قشنگی

چن ِ قشن گی، فرمانت نرمه

آ بخاری ته، وه زمسان گرمه

ترمزای بی اس،داشبورت پژویی

شریک فقیری،اره مان خویی

له بنز به تری، خاطرخواه دیری

وه خدا عزیز،تماشا دیری

له وخته ته نگی ،کمک حالمی

عصای کمکی، ژیرِ باله می

دلال وه دولار،وه کلک بازی

له پی گرانی ،او صحنه سازی

 وبان کیشانه، قیمتِ روزت

کی مسئولته،کیه دلسوزت

ایسه که پراید قیمته بانه

ا قوطی کله اره چمانه

افغانی چرکن وپلتک دوره

وه چن افغانی، پرایدِ خره

ایسه گه رسی وه ایمه بدبخت

خریدِ پراید اِ قه بیوه سخت

ار حیا بکن، یه دُِرس نیه

کسِ نامردی ،وه طورَ دیه

قشرفرهنگ گی،خریدارته

سایپا ،فرهنگ گی،گن آوشارته

اَر ایمه نا ویمن، خریدار نی ره

وه قوطی کله کسِ کار نی ره