پیری

یه شو ،کوته پر،خوم له آینه دیم

دیم عمرم چیوه، وه خوما ره سیم

دیم سروریشم ،کله سفیده

دسم اَرقه، جور دارِ بیده

هوشم نیم جا،گوشلم کره

حواسم پرته، چاره گم شره

هه داد هه بیداد ،منی پیربیومه

وه دس دونیا ،مه اسیربیومه

مه اسیربیومه، پیروذلیلم

گوچانگِ دسم ،بیوسه دلیلم

کوکم چمیه ،چاوه لم کوره

هاکو جوانی، هاکو غروره

زوربازووم، الیم سیناگه

لا یال وکوپال،هیوچی نماگه

مه نوی یَ بیرم ،وختِ جوانی

یه روژه پیردوم،دسَ زرانی

آهای کسی که ،شاد وجوانی

خوش تیپ وشنگول،شیرین زوانی

اَره تو عزیز، آینه عبرتم

گوش الیم بگر،بزان چه وه تم

گوش الیم بگر، تا که جوانی

کارِ خو بکه، اگر توانی

کارخوبکه، یه اره ت مه نه

آینه وریشت یه رو اَ خه نه

یه رو وریشت آینه اَ خه نه

اَجل اَتیه تو، عمرت اَ سه نه

وخته که مردی، یکی دو روزه

خاطراتیلت اَچِ ته موزه

یکی دو روزی ،سیه اَپوشن

له پرسِ پوت، کل فامیل،کوشن

بعد چن وخته، فراموشت کن

وسنگ سیه ،سیاه پوشت کن

قسمتت آخر،دومتر جی یه

پیول وثروته، وه لِ تو نی یه

وه لِ تو اعمال، بدونی که ته

هرچی کردیته، کل شری که ته