برنج

هوارهه هوارله دس روزگار

روژ نیمه رو ،بیوه شووه تار

بیوه شووه تار،له دس گرانی

که خدا ارا شیرین زوانی

یه کارکیه برنج دوشاره

خدای بانه سر،آو ریه ناره

خدای بانه سر،آو ریه ناره

ارا کسی که، برنج دوشاره

برنج دوشاره له ناو ،اَمبارِه

خدا درد گن ،بکه دچارِه

کیوخا کیوانو، له برسی مردن

ارا مالیان، برنج نه وردن

برنج نه وردن ، له شیمی شره

گوش که خدا چمانه کره

چمانه کَره،چمانه کوره

زندگی ایجور،وه خدازوره

وه خدا زوره ،امرو روزگار

برنج له دمم ،چمان زهرمار

برنج امرو،چمان تریاکه

کیوانو بدبخت، اره هلاکه

چانچکِ خالی، له بان اجاقه

سفره خالیه له ناو اتاقه

ده کس ناتوانیه،بکا عروسی

نه مشی جافر،نه مشی روسی

دِه کس ناتوانیه،مهمانی بیا

له مال فامیل ِ زرانی بیا

اگرمهمانی بچی وه ماله

بایدخرگ خس،وه سربماله

وه سربماله، له دس گرانی

یاکه بنیشه دسَ زِرانی

 هوارمسئولینِ دلسوز نظام

قصیه برنجه که ده ته تمام

که ده ته تمام راحت بنیشیم

دیس برنج له دیگ بکیشیم

له دیگ بکیشیم وه خنه خنه

لعنت  وه هرچِ آیم گنه

لعنت  وه هرچه آیم گنه

گیانه ومالِ، له دنیا بنه

خدابسینِ آ مال وگیانه

آیم محتکر،چمان حیوانه

آیم محتکر ،وه مال ِ نازه

جافروروسی وفقره سازه

وه فقرسازه له روزگاره

شوکی شفق تا وه عیواره

تا وه عیواره بایدسگ دوبن

بره محتکر،ثروت جمع اکن

ثروت جمع اکن،خدا نناسن

له کیسل برنج،له تیروآسن

فکریان یسه، مردنیان دیوره

زندگی همش ،دیول وسیوره

آیم محتکر! مردن نزیکه

شیطان له قاورت ،ولت شریکه

ولت شریکه،له جنس خوته

راحت اخاوردی دیس پرکته

راحت اخاوردی بیه دنگ فقیر

له ناو برنجت، اَخسی کفیر

ایه حکایته خیلی درازه

ممکنه شعرم وپیت نسازه

خدانگه دار یه هم گذره

محتکربدبخت ،وَه هاده بره

محتکربدبخت،وه هاده بره

بابد بکیته،سوارِ خره

باید بکیته سوارِ خره

توره چرکنه، بکیشی یه سره

باید کنف بیه،هم کاسه ظالم

بازار له دس ،نماگه سالم

دس محتکر،هادس دشمنان

شریک دزل، رفیق خو ه مان

مسئول عزیزِ دلسوز نظام

کارمحتکر،توبکه تمام