تلم وتوس

کیورکیوه له ناو، توس دیارنیه

ایجوردیاره ،ده بهارنیه

هیوچ دیارنیه ،له تلم وتوسه

یه کارآمریکاس ،یاکاره روسه

ده الهک ناکا،ماسک کاغذی

هواگرم بیوه ،جورکله پزی

هناس ناکیشم، سینه تنگ بیوه

ایقه نیشتمه، پالم لنگ بیوه

له کو هاتگه، ایه گردوخاکه

 ایه گردهَ سمی ،یه خطرناکه

باعثِ چسه؟ ایه گرد مرگه

دارل میوه، بیه بارو برگه

زمین وجنگل، آلوده خاکن

مردم منتظر،هوایِ پاکن

خاووخیاله؟...،آسمان آبی

هوا بارانی،شیول مهتابی

آسمان امرو،باران خاکه

هواتلم وتوس،هوا ناپاکه

بیه ین فکربکیم،چاره مان چسه

عمل بکیمن،شعاردیه بسه

فره شعاردایم، له راس ودرو

توکه وعده دای،قولت هاده کو

آستینت بیه بان،اَرمرده کاری

ارا نیشتیته،ارا بیکاری

بیلا هیض گری، وه کاروتلاش

بذرهمتّت ،وه ملکه بپاش

باران مصنوعی،جه نگل کاری که

وه کاروتلاش، آوه ِ جاری که

مالچ پاشی که، لوت وکویرت

ایه تلم وتوسه، اَچیه له بیرت

باید ول ملل ،همکاری بکی

بیه تفاوت نیوت،تو یاری بکی

جهان ها خطر،فکرچاره که!

یه فکره خووه،تولیه باره که!